利申：前政治冷感、半和理非、淺黃，好想勇武可惜冇膽
因為FG、因為工作關係，參與唔到每一場反送中運動
只能夠一邊返工一邊睇住直播；一邊係ig屌黑警
交稅多過黑警，工作需要溝通，無論係對同事定客
但不諳溝通 6park.com
今日返工睇住直播，見到有個手足俾狗射爆咗左眼，好撚嬲
見到有個手足已經俾人拖住係地下，都俾速龍扑多一下，好撚嬲
但作為一個港豬只能返工咩都做唔到
淨係放工去左同朋友飲嘢 6park.com
係飲完野Wing到差唔多到訂嘅時候係街邊截左一架的士
係十分鐘嘅車程入面，司機大哥係我上咗車唔夠兩分鐘嘅時候就問左我一句
〝 後生仔你對依家社會嘅情況有咩睇法 〞
講返呢位司機大哥話佢紥根香港，五十歲左右，操坦仔口音
典型大陸人樣
然後十分鐘嘅車程入面，我地傾左七分鐘，然後係落我車既地方傾左半個鐘
( 因為好wing 有一部份都係我理解完用自己文字打返出嚟 ) 6park.com
1. 佢認為暴力解決唔到問題，中共受軟唔受硬
佢一直用後生仔去稱呼為呢場反送中運動出緊力嘅每一個香港嘅stakeholder
覺得只有年輕一輩反送中
老一輩（例如佢）唔會同意〝年輕人〞做緊嘅野
佢同意中共有做得唔好嘅地方，但如果香港人用和平啲嘅方式就可以令中共轉軚
我：但係二百萬人上街遊行都影響唔到政府做嘢啵，係咪用和平嘅方法仲有用呢？
司機：係二百萬，但香港人有七百萬吓，即係另外嗰幾百萬人吖係咪都支持呢？年輕人唔應該用呢種方式去反抗，應該慢慢講先啱 6park.com
2. 佢認為呢廿年中國都發展得咁好，其實香港都回歸咗，點解唔跟中共嗰套
我︰其實呢廿年整個世界都發展得好好，我明白香港呢廿年發展得好好，但呢廿二年香港係因為五十年不變，仲跟緊外國 / 英國嗰套而發展得咁好吖定因為中國呢
佢︰其實你有眼睇，中國係呢廿年都發展得咁好，始終香港都係中國嘅一部份，點解唔信下跟中國嗰套呢？
我︰我唔清楚你係咪因為大陸不斷印人仔，令到大陸人睇落好有錢，所以先覺得大陸發展得好好，你係咪覺得香港跟返中國咁每人每個月搵得四、五千係一件好事呢？
香港嘅後生仔知道呢廿年香港係變好緊，但因為好多大陸人落黎，同好多野突然間轉變緊，好似未夠五十年就已經準備行緊中國嗰套，好多大陸人落黎。其實係因為好多後生仔連樓都買唔到，同時間唔想香港變得更差先走要咁樣。 6park.com
3. 佢冇積極咁諗過送中係一個咩概念，或者都係覺得冇犯過罪唔怕有呢條條例
我︰唔知你有冇睇過啲相關嘅新聞啦。艾未未、劉曉波同銅鑼灣書店老闆等等
佢︰當然有啦，但你話佢地做過啲咩特別嘢先會特別俾人捉架啫，普通市民點會俾佢捉返去呢？
我︰但就係因為中國嘅強權，只要佢睇你唔順眼就可以將你定罪啦喎。例如最近講緊嘅燈柱吖，我上個月有返過大陸，係真係大家守法咗嘅，但係你會唔會覺得係因為有人監視住你所以你唔敢做吖咩都唔敢講吖，定係真係公民意識好咗？ 6park.com
最後，因為佢要交更，雖然我仲好想傾但我又好wing嘅關係
而我又發現我根本改變唔到佢思想嘅時候
係最後
佢︰總之用暴力都係解決唔到啦。
我都唔知講咩好啦，希望你尊重後生仔依家做緊嘅嘢
因為我地仲有五、六十年要係香港生活。
我知道你地以前捱過，所以見到香港經濟變好係已經好滿足
佢︰我都尊重架，當然尊重。 6park.com
然後我落車之後發現，呢半個鐘有多嘅時間入面我地冇提過"警察"呢兩個字
純粹係針對政策問題去傾關於香港嘅中國嘅問題 6park.com
我唔識組織，或者可能因為飲左好多既情況下唔記得哂內容
或者唔知點樣去同司機大哥解釋