3月9日代表吳政亨及余慧明嘅石書銘大律師，繼續就余慧明嘅涉案情節盤問區諾軒。
石首先提出圍繞區嘅政治生涯背景、香港民主運動發展歷程及本地政制改革等問題，遭法官連番打斷指有關問題完
全不著邊際，根本與余慧明嘅涉案情節無關，著石勿「遊花園」，應直接提出對辯護相關嘅提問。
惟因石仍打算堅持有關盤問方向，遭法官嚴詞訓斥石不需要由區諾軒為法庭上政治課堂，亦警告石勿企圖將審訊用
作政治宣傳平台。此外，法官亦多次批評石不能要求區以個人身份，代表整個反對派發表意見。
中場休息後，係區諾軒返回庭內作供前，法官質疑石盤問嘅方向及目的，指石先前嘅提問根本無助為余慧明進行辯護，並再次警告石勿再發問與其當時人控罪無關嘅問題，否則會終止石嘅盤問環節。法官亦提示石可循有關控罪的元素作盤問指引。