協喺今屆立法會選舉之後內亂不斷，除咗多達三分之一嘅區議員退黨，前主席莫嘉嫻亦因為不滿「老將」馮檢基同新人爭出選辭任主席兼退黨。據聞白鴿黨出手撬人，除咗高調過檔嘅九龍城區議員蕭亮聲之外，民協前副主席任國棟及區議員黎廣偉亦已經過檔白鴿黨，按照趨勢未來跳槽嘅人應該陸續有來，唔通白鴿黨想吞併民協？ 
                                                                        
                                                                        
                                                                        
                              
據了解，白鴿黨本月初已邀得民協前副主席、紅磡前區議員任國棟、馬坑涌區議員黎廣偉加入該黨，彌補九龍西地區樁腳嘅不足。上屆區議會選舉任國棟因失落議席而退黨，估唔到佢沉寂兩年，竟然加入白鴿黨做紅磡社區主任，更身兼立法會議員黃碧雲（一舊雲）喺九西辦事處嘅義務顧問。消息指出，任國棟唔止個人加入白鴿黨，更邀得一班民協前職員過檔，但亦有人話，失去立法會議席嘅民協無足夠資源「養咁多人」，職員都係無奈跳槽。 
                                                                        
                        6park.com
任國棟接受查詢時承認出任白鴿黨職員，至於入黨一事就要考慮，佢又話重返紅磡開街站嘅時候，街坊反應熱烈，希望可以繼續服務。至於「老家」民協，任國棟就拒絕評論。除咗已經曝光嘅人，外界亦盛傳民協前主席莫嘉嫻獲邀加入白鴿黨。莫嘉嫻接受查詢時就話，自己仍未交表申請入黨，目前仍在考慮中，之後會再交代。 
                                                                        
                                                                        
                                                                        
                                     
 一舊雲就否認「吞併」民協或者撬人，佢話政黨成員有加有減好平常，白鴿黨亦不時有人退出，佢重申歡迎有共同理念嘅人加入，為民主努力。至於日後會唔會再向民協撬人，佢就話若果有申請就會啟動程序處理。 
                                                                        
                        6park.com
雖然白鴿黨否認撬人，但事實上佢哋同民協的確係一個此消彼長嘅情況，白鴿黨要接收民協舊黨員，相信要諗個方式先可以避免遭人口實喇！